Maki 9:37-45

³⁷Iza'o amanahu'kna osi mofavre, Nagri nagifi avreno azeri so'e huntesimo'a, Nagri navareno nazeri so'e hunantegahie. Iza'o Nagri'ma nevareno nazeri so'e hunante'nimo'a, Nagrike navreno nazeri so'e osugahianki, Nenfa hunantege'na e'nomofo avreno azeri so'e huntegahie.

³⁸Joni'a Jisasi asamino, Hurami ne'moka mago ne'mo kagri kagifi havi avamutamina humegi netregeta negeta, ana osuo huta hunte'none. Na'ankure ana ne'mo'a tagranena vano osu'negu ana osuo huta asevazinte'none.

³⁹Hianagi Jisasi'a anage hu'ne, i'o huonteho, na'ankure mago vahe'mo'e huno Nagri nagifima kaguvazama nehanimo'a, hantga huno hu haviza hu onantegahie.

⁴⁰E'ina hu'negu iza'o tagri'ma ha'marema norante'nimo'a, tagri kaziga mani'ne.

⁴¹Na'ankure tamage hu'na neramasamue, iza'o, Kraisi amage'ma nentaza disaipol naga zmaza hanue huno nehuno, tima afi tamisimofona, mizama'amo'a fanane osugahie.

⁴²Jisasi'a anage huno zmasamine, iza'o ama osi mofavremo'za, Nagrite zmentinti nehaza mofavre naga kumipi zmarentesamokizmia, tusi'a monu havereti anankempi rentete'za, hagerimpi matevu'za atresageno uramisiana knare'zantfa hugahie.

⁴³Hagi kzamo'ma kumipi kavare nentesigenka akafritro, na'ankure ru tare kaza me'neno asu osu tevava tevefi kavarente zanku, magoke kaza me'nena manivava asimu erizampi ufresanana knare hugahie.

⁴⁴Anampina knimo'a zamufgafi manivava hugahie. Hanki tevemo asu osu tevava hugahie.

⁴⁵Hagi kagamo'ma kumipi kavare nentesigenka akafri tro, na'ankure ru tare kaga me'neno asu osu tevava tevefi kavarente'zanku, magoke kaga me'nena, manivava asimu erizampi ufresanana knare hugahie.