Luka 7:34-39

³⁴Ŋic Fâri Wâtuŋne eki waharâ nânâ qowi nâme honerâ muŋgopieŋ, ‘Kec e ŋic nâ âmbâŋne, takesi roro â sâqocne bapa jaŋere âgo.’

³⁵Anuture mamana biri ine qâjâpecfâcne jaŋe fuŋne‐ticne hewirickepie fâri fideteŋ ewec.”

³⁶Farisaio moczi Jesu nânâre hefâreme ficticnao ferâ nânâ teboo ŋewec.

³⁷Eme hae irec ŋokac sâqocne moczi Jesu e farisaiore ficko feme biŋe manarâ opâ âsu biaŋ moc kiruŋhec baferâ

³⁸râpefuŋnao domahuc kiome ʒâŋeuc‐ticnezi kikene ruacneme qizec susuc‐ticnezi bâkereŋkewec. Erâ kike‐ticne muduckerâ opâ âsu ruacnewec.

³⁹Ŋokac iŋuc eme farisaio Jesu hefârewec eki honerâ maŋnezi ʒiŋuc muwec: “Ŋokac ʒizi wiac ecnekac e sâqocne, Jesu e porofete jurâ muzac fuŋne‐ticne mana tarazac.”