Luk 7:34-39

³⁴A Nutun a Musano i wanpat, i wangon ma i inum, ra mot watungi uni lena, ‘Tama i, a musano ri a tene inangon ma a tene ininum, a pasan a kum tene los takis, ma a kum tene sakino.’

³⁵Ikut a taro rop ra det mur a mananos anun o God, det upuaso i lena, anun a mananos i a mananos mulus.”

³⁶Ara Parisi i ben pas o Iesu sur det in nangon tomo. O Iesu i ruk una rumu anun a Parisi, ma i kis sur der in nangon.

³⁷Ma ara ino tagitiro una tamon ra, a tene sakino. Ra i sa tasmani lena, o Iesu kura i wangon una rumu anun a Parisi, i ruk namin nopolo sangsangnain ra kura unin nokoto ra di pami nama wat.

³⁸Ma i tur taru numur tan o Iesu, nisan aru kikino. I tangis, ra a lurlur na matano i puku una ru kikin o Iesu, ma i wus der nama iwu na lorino, i gom der, ma i lingis in nopolo sangsangnain un der.

³⁹A Parisi ra i ben pas o Iesu i tama a utna ri, i nuki lena, “Ra a musano ri a poropet mulus, in tasman a ino ri ra i pam aru kikino, ma in tasmani kai a magirano, lena i a sakino ino.”