Luka 21:20-30

²⁰Ierusalema habaꞌaꞌe uti azaḡaniꞌa ganaḡeḡanoga horonoꞌidene, aꞌe Ierusalema habaꞌa ruiniꞌuma madaḡa ꞌai haniteha rae ederiꞌuma.

²¹Eꞌe madaḡano Iudea habaꞌano radiuꞌeteꞌe azaḡaꞌe haba maḡa ferau itoꞌi! Ierusalema habaꞌa zamaḡano radiuꞌeteꞌe azaḡaꞌe ferau vaḡinoꞌi! Ierusalema habaꞌa enogano radiuꞌeteꞌe azaḡaꞌe Ierusalema habaꞌa ago diuḡoꞌi!

²²Mazaḡa eꞌe madaḡano Badiꞌaꞌa Ierusalema azaḡa aduga hune ziniꞌuma. Ebu Buka Zaḡoḡano peroveta azaḡaniꞌa mirihiroteꞌe ḡauḡa niduꞌa hudaꞌuma.

²³Eꞌe madaḡano ahiꞌeta roḡaeḡa zu nune hina ene guraḡa ḡubuzeꞌeteꞌe roḡaeḡa, zeꞌe fase vetuḡaḡa, feranoga mene idaḡa uꞌano, aduga hidiꞌuma. Raha ꞌahiꞌe aduga boro bagaḡa hidiꞌuma ebu Badiꞌaꞌa vaze mazao maḡuno ziniꞌuma.

²⁴Ze nuꞌe venisi hina ḡouze ruziꞌuma, ebu nuꞌe oboze teadu, ḡuꞌa azaḡa teige, ꞌavoꞌa habaꞌa nunuo tutuze onamiꞌuma. Iuda mene azaḡaniꞌa Ierusalema habaꞌa sausaune radiꞌuma onamo zeḡe madaꞌa hauḡiꞌuma.

²⁵Mada, bato zu buzuva ragano haḡai nu badeḡa horoniꞌuma. Ebu raha ꞌada haba nunu zamaḡano, davara zu saꞌu boroboro guguḡa uꞌano vaze niduꞌa rihau rudaꞌuma ebu zamazeꞌa adaꞌadiꞌuma.

²⁶Vazeꞌa nagini rahao ada fureraꞌuma rae zamareꞌenaꞌa rihau rudanadu higau bauriꞌuma, mazaḡa adure ḡianeteꞌe gigiꞌaḡaniꞌaꞌe hagahagariꞌuma.

²⁷Ebu eꞌe madaḡano eḡe, Vaze Ubuganiꞌa ḡoze zamaḡano gigiꞌa inaraḡa boro zuni agaḡa manoḡa madu ovaiꞌuma. Ebu vazevazeꞌa eꞌe horoniꞌuma.

²⁸ꞌAhi ḡauḡaniꞌa ḡadahe fureranoꞌidene, iḡunadu dude ehamanoꞌi, mazaḡa Badiꞌaꞌa zae ḡaboziꞌuma madaḡa ꞌai haniteha.”

²⁹Ebu Iesuꞌa hari ꞌahoga idaniro, raenaꞌa, “Figi ireḡa zu ire niduꞌa ḡianoꞌi!

³⁰Rouḡaniꞌa udufaꞌoga horonoꞌidene, aꞌe irugu madaḡa haniteha rae edereꞌohe.