Lucas 21:20-30

²⁰— Mekewat e'at pe karãpeÄ© tukup­te'en sura­ra'in sem ahewa­nĩ­kaptia yt pya i ahetawa wato Ieru­sarẽi kaipywiat hawyi karãpe tuwe­hyt'ok teran ahetawa pe ai'a­tu­'uka hamo mi'i hap e'at pe meremo eweikuap ta'yn yt pya hin i ahetawa wato Ieru­sarẽi moma sese hap e'at hap eweikuap are e.

²¹Tawa wato Ierusarẽi toÄ©ne'en yi Iuteu py'a­setpe pote waku eiko­hyeput kahato pya kahato yi Iuteu kaipyi are e. Waku eiko­hyeput yity'ok ko'i kape eiwemig hamo are e. Ma'ato tawa Ieru­sarẽi miaria eipe pote meremo eiwe­nõ'ẽ ro pya pya tawa wato Ieru­sarẽi kaipyi hawyi meremo eiko­hyeput pya pya tawa pyi e. Mu'ap upi Ieru­sarẽi kapiat eweikup­te'en mote yt ewei'aipok tei'o tawa Ieru­sarẽi kape are e.

²²Katu­pono miit'in apiheg hap koro hap e'at sese topy­hu'at mekewat e'at pe aru are e. Ta'i sa'a­wy­'iwuat Tupana miwan ewywuat sa'ag hap ewywuat topy­hu'at aru mekewat e'at sa'ag hap e'at pe are e.

²³Mekewat e'at turan yt naku i kahato topy­hu'at aru hupi'a rakaria ete mana'in mẽpyt sat haria wywo ete are e. Katu­pono ho'opot hap yn topy­hu'at itote are e. Tupana piat miit'in apiheg hap put'ok'e ra'yn yne yi Iuteu piaria ete are e.

²⁴Mi'i hawyi wẽtup ywania ti'a­tu­'uka kahato yne Iuteu ywania kyse'yp mo ta'a­tu­'a­tu­'uka kahato are e. Irania'in ta'a­tue­roto ta'a­tue­tama kape ta'a­tu­potpap nug hamo hawyi irania'in ta'a­tu­pyhik ta'a­tu­wo­'o­pyhik hawe are e. Ta'i irania'in wẽtup ywania kaipy­wiaria ko'i ti'a­tu­moma irane Ieru­sarẽi miaria ma'ato mi'i hawyi wẽtup e'at pe aru Tupana — Wãi'e mi'iria pe toran na'yn e aru hawyi ta'a­tu­pohep ta'yn ai'y­wania moma hap hawyi ta'a­tu­'atoiat tawa Ieru­sarẽi are e. Mi'i hawyi yt ta'a­tue­wyry kuap i po'og tawa Ieru­sarẽi me are e.

²⁵At waty waikiru ko'i i'ewyte tohenoi wyti aru uhut hap e'at ta'a­tu­henoi are. Yt pya i ra'yn toran na'yn e hap e'at pe put'ok'e hap ta'a­tu­henoi aru are. At waty waikiru ko'i yt tukup­te'en i ta'atueiam me are e. Ta'i yt sa'a­wy­'iwuat ewy hin i at waty waikiru tukup­te'en are e. Mekewat e'at pe kowo i kowo i ta'a­tue­wyry mekewat e'at pe are. Ta'i mesuwat yi tote ywytu uato hap ewy kahato y'y tote yi tote po'og po'og sa'a­wy­'iwuat kai are e. Mi'i hawyi wasere sa'ag hap ewy toÄ©ne'en e. Mi'i hawyi y'y wato hap wasere upiat ai'yat ypik hap pupi miit'in te'e­ro­ken'ẽ kahato pote i'atu­'a­kag'aia hawuo te'e­re­wa­nẽtup kahato at ka'ap hawyi — Yt naku i kahato mesuwe i'atu'e aru to'ope are e. Pywo pe ti yne hyemyi'a wato ko'i ete y'y ihyesaika kahato hap ewy topy­hu'at mekewat e'at pe aru e Iesui temiit'in me itote.

²⁶— Mi'i hawyi at waikiru waty kohye­wyry hap kapiat mesu­wa­ro­tiaria te'e­ra­'a­kasa hawyi gyt'i­'a­tu'e aru e. I'atu­perup i'atu­wuwu gen'ẽ pono e. Atipy piat i'atueiam ko'i huruk'e hawyi yt te'e­ro­py­hu'at kuap i sa'a­wy­'i­tewuat ewy e. Mi'i hawyi — Watopap yne irane aito i'atu'e to'ope te'e­ro­ken'ẽ haype are e.

²⁷— Mi'i hawyi tut ra'yn Uito Eheyke'et Eikywyt ywyhig muo uhesaika hawuo uimõ­typot hawe put'ok­'are ra'yn e Iesui.

²⁸— Pyno uimienoi hap ewy put'ok'e hawyi yt eweiken'ẽ tei'o ma'ato eiwepit ro katu­pono yt pya hin i eheha­kye­ra'at hap hamuat e'at toÄ©ne'en are e Iesui ahepe temiit'in me.

²⁹Mi'i hawyi hã'ãkap wuo tohenoi i ra'yn. Mio tã e Iesui — Pyno eweikuap ta'yn aikotã ahetama pe aria'yp ko'i haat kahato ta'a­tue'at put'ok'e hawyi e.

³⁰Ahetama pe Wiku yp i'yhop kyt ewei'a­kasa hawyi i'aman mot e'at yt pya hin i wato'e mesuwe ahetama pe e.