LUKU 21:20-30

²⁰Tó á è zĩ̀kpɛɛnↄ liga Yerusalɛmuzi, àgↄ̃ dↄ̃ kɛ̀ à kaatɛna zã̀ dↄro.

²¹Gbɛ̃ kɛ̀ aↄ̃ↄ kú Yudeanↄ bàa sí wà mì pɛ́ kpiiinↄa, gbɛ̃ kɛ̀ aↄ̃ↄ kú Yerusalɛmunↄ fãakↄ̃a. Lakutudeenↄ tón gɛ̃ à guuro.

²²Zaakɛ gurↄↄ pì nɛ́ wɛ́ɛtãmmagurↄↄmɛ, lɛ yã kɛ̀ wà kɛ̃̀ Luda yãn papa píngi yãnzi.

²³Wãiyoo nↄ̀sindadeenↄ kↄ̃n nɛ́dandeenↄ gurↄ beeea, zaakɛ bùsu pì nawɛ̃a égↄ̃ bíta, Luda pↄfɛ̃ é pita gbɛ̃ pìnↄa.

²⁴Weé ń gbɛ̃kenↄ dɛdɛ fɛ̃ɛdaao, weé ń gbɛ̃kenↄ kũkũ wà táńyo bùsu píngi guu zĩ̀zↄnↄ ũ, bori pãndenↄ é kìti pá Yerusalɛmua ai aↄ̃ gurↄↄ papa.

²⁵Sèedanↄ égↄ̃ kú ↄfãntɛ̃a kↄ̃n mↄvurao kↄ̃n sↄsↄnɛnↄ, bori píngi égↄ̃ kú pↄsiaa guu tↄↄtɛ. Aↄ̃égↄ̃ kú bídi guu ísia kĩi kↄ̃n à zuzunao yãnzi.

²⁶Vĩakɛna yã kɛ̀ èe mↄↄ andunaa yãnzi gídi é tó gbɛ̃nↄ gbãsĩ lɛ́, zaakɛ pↄ́ kɛ̀ kú ludambɛɛnↄ é sãsã ń kúkiia,

²⁷weé gbasa wà Gbɛ̃ntee Nɛ́ suna e ludambɛ luguun kↄ̃n gbãaao kↄ̃n gakui bítao.

²⁸Tó yã beeenↄ nà kɛnaa, à fɛɛ à zɛ à a mì sɛ́ musu, zaakɛ a mìsina bé à kà kĩi.

²⁹Yesu yã lɛ̀kↄ̃zińnɛ à bè: À kãkã lí gwa kↄ̃n lí kpaaanↄ.

³⁰Tó á è aↄ̃ lá bↄ̀rↄ pà, eè dↄ̃ a zĩnda kɛ̀ guwãagurↄↄ kà kĩi.