Luka 1:1-53

¹Idu naakagupile kuika uza imahumo ayo naakondigwe kung'witu,

²anga naakupee usese kupuma ung'wandyo naaihengile kumiho nitumi alukani.

³Kululo unene nanakomanilya ung'wandyo wa nkani izi yihi kupuma ung'wandyo naona uza kitalane hangi kuandikila unoneligwa wakwe mkuligwa wakwe Theofilo.

⁴Kina uhume kumanya itai ankani naumanyisigwe.

⁵Mumahiku ang'wa Herode, mtemi wa Yuda, aukole umdimi naiwitangwa Zakaria, nuaukoo wang'wa Abia musungu akwe akapuma kuwa nanso ang'wa Haruni, nilina lakwe aiwitangwa Elizabethi.

⁶Ihi akete itai pantongeela ang'wi Tunda, aakugenda aziagili anga ubi mumalagilyo ihi na mukulu.

⁷Aagila anga ng'wana kunsoko u Elizabeti aimugumba, aya ihi abili aina anyampala.

⁸Ikatula na ukituma imilimo akidimi akaziunonelya kuntongeela ang'wi Tunda.

⁹Kutyata uigobi naizaigombilye kumupata umudimi nua kenda kunyuunkilya uvumba kunyumba ang'wi Tunda.

¹⁰Ilundo lili nilaantu ailikoli kunzi likazilompa imatungo nuvumba nukutunkiilya.

¹¹Malaika wa mukulu aupumie akimika mukono wa kigoha wa kikumbikilo la kunyunkilya.

¹²U Zakaria wikatinuka nuika muona; uoa wika mugwila.

¹³Ingigwa umalaika akamuila, “Leka kogopa Zakaria, kunsoko imalompi ako igigwa u musungu u Elizabethi ukuutugila ung'wana ilina lakwe ukumitanga Yohana.

¹⁴Ukula nuulowa na idu niakuulowa kutu gwa kung'wakwe.

¹⁵Kunsoko ukutula mukulu mumiho amukulu. Sanga ukung'wa idivai anwi ikigalyo nikilulu, ukutula uiizuligwa ng'wa ung'welu kupuma munda ang'wa nyinya.

¹⁶Niantu idu nia Israeli akupiulwa kung'witunda wao.

¹⁷Winzu pantongeela amukulu kunkolo ang'wa aung'welu ningulu yang'wa Eliya. Ukituma iti kunsoko akususha ikolo yaana ingigwa awa nishaigomba ilongola kuwa hugu niatai. Ukituma iti kuaika antu ihambe kumukulu kinoneelya kunsoko akwe.

¹⁸U Zakaria akamuila umalaika, kuhuma uli kuhuma ili? Kunsoko unene nimunyampala numusungu wane imyaka akwila.

¹⁹Umalaika akasusha akamwila unene ni Gabrieli, numika pantongeela ang'wi Tunda. Ntumilwe kuila, ulukani nuluza.

²⁰Hangi goza, shukuligitya, ukukilaja, shukuhuma kuligitya sunga uluhiku ulo inkani izi ni ziza kupumila iyi kunsoko aulemilwe kuhuili nkani yane niziza yakondaniligwa kumatungo ane.

²¹Iantu aamulindie u Zakaria. Ikakuilwa nautinilye mitekeelo.

²²Naiwapuma kunzi singa akahuma kuligitya nung'wenso. Ikalinga kina awa apa akakunukuilwa naukole mitekeelo. Akalongoleka kulagiila iilinga silyo hangi aka kilaja twi.

²³Imahiku amilimo naahila akasuka kitalakwe.

²⁴Matungo u Zakaria naiwakondya kituma imilimo akwe mitekeelo, umusungu akaamba ulito nuanso singa akapuma mitalakwe nimatungo amyeli itaano, akalunga.

²⁵Ulu lulu naiwitumile umukulu kitalane kwa uuza kuheja iminyala kuntongeela aantu.”

²⁶Elizabethi naiwapisha inda amyeli mutandatu, Itunda akamuila umalaika Gabrieli longola kukisali nikitangwa Galilaya ni Nazareti,

²⁷munanso nauligigwe numuhumba ilina lakwe naiwitangwa Yusufu nuanso amuluna wang'wa Daudi, umunanso nuanso aiwitangwa Mariamu.

²⁸Akaza kitalakwe akalunga 'Nusigilye uhumi Nukulu Nitunda uloeeigwe.”

²⁹Kululo inkani u malaika auhalinkanilye akahita kulinga kuniki umalaika atambule imakuilwa akwe.

³⁰Umalaika akamwila, “Leka kogopa, Mariamu, kunsoko uupatile uhumi kupuma kung'witunda.

³¹Goza gwa, ukukenka inda ukutuga ungwana. Ukumitanga Yesu.'

³²Ukutula ngwana nua Mkulu migulya Itunda ukumupa ituntu lanywa Daudi utata akwe.

³³Ukutula mutemi numukulu mukoo wang'wa Yakobo mpaka impelo utemi wakwe ugilangampelo.

³⁴Mariamu akamwila ikutuika uli, iza nkili kihugeela numitunja wihi?

³⁵Malaika akamwila akalunga, “Ng'wang'welu ukuuhanga migulya ningulu yako uyu nukutugwa ukitangwa ng'wang'wi Tunda.

³⁶Goza, umuluna wang'wa Elizabethi ukete nda ang'wana nunyampala wakwe ukete mieli mtandatu, naiwilwa mugumba.

³⁷Kunsoko kutili nilihumile kung'wiTunda.”

³⁸Mariamu akalunga, “Goza, une nimukulu numusungu wang'wi Tunda. Leka itule uu kitalane iza nulukani lako.” Umalaika akamleka.

³⁹Kululo imahiku yayo u Mariamu akahega akenda mihe na malugulu, mihe na mukisali nitangwa Yudea.

⁴⁰Akalongola munyumba ang'wa Zakaria akamulamusha u Elizabethi.

⁴¹Itungili aipumie kuiti u Elizabethi naiwigule imilamu ang'wa Mariamu ung'wana munda akwe akaputa nu Elizabethi akizula ingulu yang'wawelu.

⁴²Akitunta kululi nulukulu akalunga akaligitilya akitunta kululi nulukulu akalunga ue kukiila muasungu nu ng'wana nukoli muda ako ukembetilwe.

⁴³Ingi gwa atuile uli kitalane uiya wang'wa tata ane aze kitalane?

⁴⁴Kunsoko goza naiwigule muakutue ako ululi imilamu ako ung'wana munda ane auputile kilumbi.

⁴⁵Nu ng'wenso ukia nai uhuiie; kundogoelyo akukondeeligwa nai utambuiwe nu Mukulu.

⁴⁶U Mariamu akaligitya, nkolo ane ikumulumbiilya u Mukulu,

⁴⁷nu ng'wau nuane imiloeeye Itunda, Muguni nuane.

⁴⁸Kunsoko uugozile u unyeku nua mutugwa nuakwe. Kundogoelyo, goza, pumiila itungili ulelwa wihi akunintanga mukendepwa.

⁴⁹Kunsoko munyangulu wantendeela makulu, ni lina nilakwe inge inyelu.

⁵⁰Nu ukende nuakwe wikiee ulelwa ga nu ulelwa ku awo ni umukulyaa.

⁵¹Uzipilye ngulu ku mukono nuakwe; uasapatiiye niakete ulugoha mu masigo a nkolo ni ao.

⁵²Uagwisilye i akulu mu matuntu ao na ukulu ni anyeku uanankiiye.

⁵³Anya nzala uikutilye ukende, ni anya nsao uahegilye mikono mitili.