Luk 20:5-13

⁵Ra det wasiso etetalai torom det lena, “Ra dat in watungi lena, ‘Tan o God,’ in balu dat kut lena, ‘Sur asau ra ka mot nurnur uni?’

⁶Ikut ra dat in watungi lena, ‘Tan a taro,’ a taro rop det in duku doko dat, uni det nurnur un o Jon lena i a poropet.”

⁷Ra det balu i kut lena, “Ka met tasmani tagai i.”

⁸Numur o Iesu i watungi tandet lena, “Iau kai kan inanos mot una dekdek ra a ser pam a kum utna ri nami.”

⁹O Iesu i watung a wasiso elelar ri tan a taro lena, “Ara musano i marut tar a kinobot na wain, ra numur i pitar tari munung tan a ramano kum tene pinapam sur det in tamtamabati, ra i wan taru gusun det, ma i sa suano bat pasi tiro iai.

¹⁰Ra a kalang i sa sot sur din git tomo a wino wain, i tulu ru ara tultul torom a taro na pinapam, sur lako kum kur wain tagun anun a kinobot sur anunu kai. Ikut a taro na pinapam det umi, ma det tulu oros melet ru i kut.

¹¹I tulu melet ara tultul torom det, ikut det um meleti, det ban umaimai tari, ma det tulu oros melet ru i kut.

¹²Numur i tulu melet a mantul na tultul, ra det um laulau tari, ma det woro pirso ru i.

¹³Ra a taman a kinobot i watungi lena, ‘Asau mo ra an pami? An tulu ru o nutunglik ut, a nat na wakak. Kutiro det in urur uni.’