SAN LUCAS 20:5-13

⁵Pɛ nu'ʉ bin 'yänzɛhɛ ʉ 'bɛ'a dí dąti. Nɛ bi 'yɛ̨nsɛ: ―Nu'bʉ ga ɛ̨mfʉ ngue Oją bi un'na rán t'ɛ̨di a ra Xuua, nɛ da 'yɛ̨njʉ bʉya: “Hanja hin gá 'yɛ̨c'yɛihʉ 'bʉ.”

⁶Pɛ nu'bʉ ga ɛ̨mfʉ, yʉ ją'i thoho bi un rán t'ɛ̨di, dí bat'adojʉ yʉ ją'i nguetho xʉn ngu yʉ ją'i ɛ̨c'yɛi rá pøngahyą Oją ra Xuua, bin 'yɛ̨mzɛhɛ ʉ.

⁷Janangue'a bi t'ɛ̨mp'a ra Jesús: ―Hin dí pąhmbe to'o bi un rán t'ɛ̨di ra Xuua, bi 'yɛ̨ntho.

⁸Nɛcä hin ga xi ahʉ to'o bi 'dacä ran t'ɛ̨di ga øt'ä 'bɛ'a dí øt'ä, bi 'yɛ̨na.

⁹Nɛ bi xih man'da ran t'uti a ra Jesús, bi 'yɛ̨na: ―Mi 'bʉ'a n'da ran 'yohʉ bi 'yøt'a n'da ra nuąndät'o, nɛ bi hmit'i 'da yʉ mbɛfi. Nu'a rá mbɛti bi mba n'danni bʉya, nɛ nya'atho bám 'bʉpʉ.

¹⁰Nɛ nu'bʉ mi zøn yʉ pa da thʉc yʉn dät'o, nu'a rá mbɛti bá pɛhna n'da rá 'yɛ̨hɛ da duspa 'da yʉ́n dät'o, ngue'a án yąhʉ a. Pɛ nu'ʉ bi zocpa a ra nuąndät'o, bi mbɛmba thoho ra 'yɛ̨hɛ nɛ bi 'yɛt'i, xín te bi unni.

¹¹Nɛ ná yoho rá 'yɛ̨hɛ bá pɛhna rá mbɛti ra nuąndät'o, pɛ ngutho bi 'yørpa ra 'yɛ̨hɛ, nɛ'a bi mbɛmba thoho mahøn'a, bi 'yɛr bʉya nɛ nte bi unni.

¹²Nɛ ná hyu rá 'yɛ̨hɛ xø bi mbɛhni mahøn'a a ran 'yohʉ, ngutho bi t'ørpe, bi ʉnba yʉ mbɛfi nɛ bi 'yɛt'i, xíngui ts'ʉ bi unni.

¹³Nɛ nubʉya, nu ra mɛndät'o bi bɛ̨ni 'bɛ'a da 'yøt'e. Nɛ bi 'yɛ̨na: “Masque ga pɛhn'na ma ts'ʉnt'ʉ, dadí huɛ̨qui, xøhma da numansu na,” bi 'yɛ̨nsɛ.