Luk 14:11-18

¹¹Uni det rop ra det ulabo pas det, din unatino det. Ma osi ra i unatino pasi, din ulabo i.”

¹²Numur o Iesu i watungi tan a Parisi ra i ben pasi sur a inangon lena, “Ra u waninar pas a inangon, gong u ben pas a kum paspasam, ma a kum tistisim, ma a kum kukum, ma a kum tene gongon ra det kis milau nisam. Uni det ri det in ben pas ui ma det in balu i torom ui.

¹³Ra u waninar pas a inangon, un ben pasi kut a kum sibo na taro, det ra a pinindet i mat, det ra det kaukawar kut, ma a kum pulu.

¹⁴Ra un pami lenri, un dan. Uni, kalako utna anundet sur det in balu i tam, o God in balu i tam una bung ra a kum tene tokodos det in laun melet.”

¹⁵Ara tagun det ra det wangon tomo nam o Iesu i longoro a kum wasiso ri, i watungi tano lena, “Det ra det in nangon una lukaro una matanitu anun o God, det dan.”

¹⁶Ra o Iesu i watungi tano lena, “Ara musano i waninar pas a tarai na lukaro, ma i inanos mugu tar a susut na taro sur det in nanpat.

¹⁷Ma una bung na lukaro mo, i tulu ru anun a tultul torom det, ra di sa inanos mugu tar det, nama wasiso lenri, ‘Mot in nan mo urin, uni a kum utna i sa waninar rop.’

¹⁸Ikut det rop det wasiso batbat det kut. A mugano i watungi kut tano lena, ‘A sa kul tar a du piso. An nan munung sur an tama i. A saring ui sur un madek ru iau mukut.’