Lukas 14:11-18

¹¹O rata mavonga, a vuhuna a viri i rata polo mugamuga, a Vure bara i vakamaruhua, pali a viri i vakakiroko ia, a Vure bara i kavurikea.”

¹²Muri e Isu i takia a tahona ruma, i ta maea, “Na tahuna o rata a habu, naha ni gale e huriki a turamu, a kabu vomu, a bakovi na mahala. Bara o rata mavonga bara ri koli ri gale ioe o lakea na habu ne ria.

¹³Na tahuna o rata a habu o gale valai e huriki a matasia, a beu, a vahahale, a kepa.

¹⁴Re huriki a bakovi maea bara ri keri ni koli a limamu. Ra i mavonga bara o vivi, a vuhuna a limamu bara ni koli na tahuna e huriki a bakovi kamumu bara ri pesi rike mule na nimate.”

¹⁵A bakovi tara i made vonga i longoa a ngavane Isu, lakea i ta maea, “E huriki ri kani na habu na harikianga na Vure ri gi vivi.”

¹⁶E Isu i koli i ta maea, “A bakovi tara i kurabe puru na habu dagi vona, lakea i taki e huriki ri gi valai na habu vona.

¹⁷I bele ngane a parava na habu, lakea i rudu talea a vora vona, ge taki e huriki, ge ta maea, ‘Mu valai ngane, a maki lobo ni pelekado puru pali.’

¹⁸“Pali ria lobo ri ta marogo lae ri koi ni valai. A viri tara i ta maea, ‘A kona karabea ngane tara hania. Ga vano taro ga masia. I uka ma ga lakene.’