San Lucas 14:11-18

¹¹Ḻe note'teze beṉe' chonxen cuine', Diosen' gone' cont si'e zto' lagüen'. Na' note'teze beṉe' chzex̱jwlaže' lagüen', Diosen' gone' cont gacxene'.

¹²Na' ḻecze gož Jesúsen' ben' goxe' ḻe' ližen': ―Cate' gono' to ḻṉi na' gaxo' beṉe' yesagüe' len le', bitw gaxo' beṉe' biše' ḻježo', beṉe' migw c̱hio' o beṉe' zjanaque' beṉe' gwṉi'a. Ḻegaque' ḻecze yesaxe' le' ližgaquen', na' yesyegüe'e gwzon lagüe dan' ba goxgaco'ne' ližo'na'.

¹³Cate' gono' to lṉi gox beṉe' yaše' na' beṉe' nchog no ṉi'a na'gaque', beṉe' nxiṉj ṉi'e, na' beṉe' lc̱hoḻ.

¹⁴Še gaxo' ḻegaque', Diosen' gone' so' mbalaz, ḻe beṉe' ca' bi gac yesyegüe'e gwzon c̱hio'. So' mbalaz cate' Diosen' yosbane' le' ladjo beṉe' guat ca' txen len yezica'chle ben' ja'ac to ḻicha cate' gosebane'.

¹⁵Na' to beṉe' chi' cho'a mesen' txen len Jesúsen' bende' xtiže'na' na' gože'ne': ―Mbalaz soacho gagwcho ḻo ḻṉi da' gac caten' ba chnabia' ben' seḻa' Diosen'.

¹⁶Nach Jesúsen' gwne': ―To beṉe' bene' to ḻṉi xen, na' goxe' beṉe' zan šja'ac ližen' cont yesagüe'.

¹⁷Na' cate' bžin hor yesagüe', na' x̱an yo'ona' gwseḻe' xmosen' cont šjatobe' ḻegaque' yesagüe'. Na' cate' jaṉe'e to toe', gože' ḻegaque': “Ḻe šo'o, ba bsiṉi'e dan' gagwchon'.”

¹⁸Na' yogo'ḻoḻe' gose'e ben' bi zjazoe' latje šja'aque' gan' chone' ḻṉin'. Beṉe' nechon' gwne': “Za' gwxia' to yežlio, na' cheyaḻa' šjaṉa'an. Na' ye'šco' x̱anon' bitw gac yida'.”