San Lucas 14:11-18

¹¹Aman fe joyoe timinla jeralela epe patilaichunae tinue; fe joyoe tituminlari fe manhilaichunae tinue.

¹²Junni Jesús fiesta ano fibi jacalabe tsantitobi, fiesta quiminbenan cuenta quito itsantinue: —Nula fiesta ano fimiyatori, amicolaca, acolaca, familialaca, cala tan quiranunlaca jasa carilaquituna! tinue. Aman tsanquinari, yalanan nulaca beconan fiesta quimiyalaquichunae tinue. Beco beco jasa carito, parejo parejo manpatilaichunae tinue. Te, tsanquituntsan joe tinue.

¹³Nulari ano fichun fiesta quinatori, poperelaca, jancanlaca, enconlaca, quirano podeitonlaca jasa carilaquina! tinue.

¹⁴Yalari beconan fiesta quimiyano podeilaituchunae. Junni Diosichi tsachila puyaca jominnan mansonhino mate Diosiri nulachi beconan mancuwachunae tinue. Tsanque nulari duque pansi jolajochunae tinue.

¹⁵Aman tsachi manca jun fiestate ano pefito chuminnan, Jesuchi fiquica meráto itsantinue: —Diosi mantananun tsachi bolonbi ano pefiminlari duque pansi jolajochunae tinue.

¹⁶Junni Jesuri yaca meráto itsantinue: —Diosi mantananun tsachi bolonbi pewino itsanqueri jochunae tinue: Tsachi manca wa fiesta quito, ano fimiyachunae tinue. Aman yari duque tsachilaca jasa tichunae tinue.

¹⁷Junni aman ano fino órate peyunca erechunae yape jano jominlaca jalaide! tisa. Fiesta ano fichun jera michi joe latichunae tinue.

¹⁸Jerale jano jominla mantimini jatuchi tilatichunae tinue. Manca tsachiri to cato quirabi jino joyoe tichunae tinue. Junto jano podeitiyoe. Nasi perdonaide! tichunae tinue.