San Lucas 14:11-18

¹¹Te pur ni rzubyaa lagac laani ax zunbichiinbɨ ne elquɨ ni runbichiin ax subyaadeb laab.

¹²Chiyru raipy Jesús bniety ni baany cumbid laany: —Chi iguaadu tuby comid o tuby cenza, quɨt gúntiu cumbid de xmiguu, niclɨ de betsu, niclɨ de xfamiliu, niclɨza de vecin ricu xtenu. Te pur laadeb ax zuuza dxi gúndeb cumbid liú ax zallac ni bquiindeb lizu.

¹³Güenru, chi gúnu tuby laní, baany cumbid de bniety ni ná probeen, de bniety ni quɨt nazaac naani, de bniety cojeen, cun de bniety ciagu.

¹⁴Ne chiyru xíclaboo te pur masquɨ quɨt xo quillytideb loo, per mazru loc ni inɨɨdx Dios liú dxi ni ibány de bniety ni baany zec ni riáld nez lony.

¹⁵Chi bindiag tuby de ni zubnédeb lo mɨlly ziy, ax raipbɨ Jesús: —Xíclabaa ni yáld iquiiny lo guelrnabee xte Dios.

¹⁶Chiy raipy Jesús laab: —Tuby bniety nguiu baanbɨ xgab ideedbɨ tuby cen, ax baanbɨ cumbid zieny de bniety.

¹⁷Ne hor ni agúndeb cen chiy bxiaaldbɨ xmosbɨ par chagaipbɨ irate de bioos: “Gultaaguibtɨ te pur irate agüelee.”

¹⁸Per iratedeb guzulo rnaabdeb dispens lob. Nidoote tubybɨ gunii: “Gutslaab gúnbɨ dispens naa te pur testepac gulull guziaa tuby ldaa guɨchliu. Anre ná par chaguíaa xa náni.”