Luk 14:11-18

¹¹Eme ya, i buku none are lau anya katudun iy ki loke, iy kameh ari nyaran bwe. Ya are lau amekes iy i buku iri nah nadu bwisik, idah kameh, nyaran i tinan.”

¹²Ano Jises tiye i ta ndramak nane kuhi iy aimon nyamon hawen anya, “I buku none ou awer nyamon tinan, badeh, ou sakohok iri kawas le, ma ou sakohok nadu tinem oro le, ma hawe ou sakohok lowam oro le, ma hawe ou sakohok iri lau lakou tiri solo-an, asiu tiri udu ka-u asiu tam le; i buku none ou akohok oro, idah kameh, oro akohok ou ala hawe oro ja, i saluwe ou mene akohok oro.

¹³Arile, i buku none ou awer nyamon tinan badeh, ou akohok iri lau tiri lakou bwe, ou akohok iri lau boha iri imek, hawe kati iri imek, ya ou akohok iri lau bada iri imek, ma hawe iri lau mada iri bwe, kawek kaimon nyamon hawem.

¹⁴Ya idah kameh, ou akohok nyosowan ta aliy. Tasah, iri badeh, lakou bwe, eme ya iri badeu saluwen bwe, arile idah kameh, ou akohok bundruwe nyamon tam na len iri lau mwasin amak, ame loken.”

¹⁵Eme ndramak ari badu bolo oro ta tukum ta nyamon tinan anuhun sahou Jises asehek badeh, eme ma iy tiye i ta Jises, “Are lau aimon nyamon udu baha tondrok ta Kindrei eme kameh, iy badeh, kasekesek.”

¹⁶Eme Jises anya, “Ndramak ari badeh, iwer tine nyamon, ya eme iy atehei sahou i tiri lau solo-an labai, ta ame.

¹⁷Eme na len ta nyamon amwenen, ndramak ta iwer nyamon suni lohowan tan ari ili, ta tandra-un iri lau mene sahou i tiri badeh, anya, ‘Ado kame, lakou mari ndra lokowaniy ndrano.’

¹⁸“Arile, iri mari badeh, ari bala bwe, iri anya tiri gok le. Eme iy ari ma mwena eme, tiye anya, ‘Jo badeh, tikisiy handru en, jo barasihinei bilin ranah ai, ya eme jo kili katou op.’