LEVITIKO 14:14-20

¹⁴“Vadaeni hahelagaia tauna ese unai mamoe natuna ena rara haida do ia abia, bona unai do ia hagoevaia tauna ena taia idibana rini atoa gabuna, iena ima kwakikwaki badana idibana, bona iena ae kwakikwaki badana idibana dekenai unai rara do ia atoa.

¹⁵“Hahelagaia tauna ese olive dehoro sisina sibona iena imana laurina dekenai do ia bubua.

¹⁶Iena ima kwakikwakina idibana be olive dehoro lalonai do ia atoa, bona nega 7 unai olive dehoro haida do ia negea lao, bona lau, Lohiabada ese do lau itaia.

¹⁷“Hahelagaia tauna ese iena imana idibana dekenai olive dehoro bona mamoe ena rarana sisina unai do ia hagoevaia tauna ena taia idibana rini atoa gabuna, bona ima kwakikwaki badana idibana, bona ae kwakikwakina badana idibana dekenai do ia atoa.

¹⁸Olive dehoro orena, iena imana dekenai do noho gauna, be unai tau ena kwarana dekenai do ia atoa. Inai dala dekenai hahelagaia tauna ese unai tau ena kara dika davana do ia karaia, Lohiabada ena vairanai.

¹⁹“Hahelagaia tauna ese kara dika totona boubou gauna do ia alaia mase, unai do ia hagoevaia tauna ena kara dika davana karaia totona, bona iena miro hagoevaia totona. Unai murinai, ia gabua ore totona mamoe boubou gauna do ia alaia mase.

²⁰Hahelagaia tauna ese unai gabua ore gauna bona paraoa boubouna do ia gabua, boubou patana ena latanai, lahi ese do ia gabudia ore. Unai dala dekenai hahelagaia tauna ese unai tau ena kara dika davana do ia karaia, bona unai tau be ia goeva vadaeni.