Leviticus 26:8-14

⁸Is 5 keniyu ebpekezaag te 100 ne is 100 keniyu ebpekezaag te 10,000.

⁹Ed-eturen ku sikiyu ne ebeǥayan ku te mahabet he menge kevuwazan su wey ku metuman is kebpekid-uyun ku keniyu.

¹⁰Tenged te kezekelà te menge abut niw, kenè niw pa egkaamin te egkaan is egkehuna he menge abut niw, ne igkaawà niw zà heini ziyà te midteǥuan niw zuen su ed-ilisan niw te veǥu he sebpet.

¹¹Ed-ubpà a zuma keniyu ne kenè ku sikiyu idselikwey.

¹²Eduma a keniyu ne iyan a egkehimu he Megbevayè niw ne ebpedayun is kegkehimu niw he menge etew ku.

¹³Iyan a kes Nengazen he Megbevayè niw he mibpeǥawas keniyu puun te Ehipto su wey kew kenè en meuripen te menge Ehiptohanen. Mibeǥayan ku en sikiyu te vayàbayà umbe wazè en ereg he igkeeled niw.

¹⁴Piru emun kenè kew ebpemineg kedì etawa kenè kew edtuman te langun he menge suǥù ku wey menge sulunuzen, ne tenged kayi egkesupak niw is kebpekid-uyun ku keniyu,