Kölfel 84:6-11

⁶Lupwen ra pwerela lon ewe lemolun kechü mi pwasapwas, ra awili ngeni eu lenien puächen koluk. Pwal ewe ütten leefen a pwölüela ewe lemol ren feiöch.

⁷Ra fetal o pöpöchökülela tori repwe küna ewe Kot mi lap seni ekewe kot meinisin me lon Sion.

⁸Ai Samol mi Lapalap, en ewe Kot mi Unusen Manaman, kopwe aüselinga ai iotek, kopwe aü selingom, Maing än Jakop we Kot.

⁹Ai Kot, kopwe afeiöchü äm king, kopwe netiu won noum we mi kepit.

¹⁰Pun ai nonom lon imwom lon ükükün eu chök rän a mürina seni ai nonom ekis lon ükükün engeröü rän. Üa efich ai üpwe nom lon asamalapen imwen ai Kot, lap seni ai üpwe nonom lon imwen ekewe aramasangau.

¹¹Pun Kot ewe Samol mi Lapalap i ai saram, a apetiei seni ei feiengau. A fangela ngenikich ümöümöch me iteüöch. Ewe Samol mi Lapalap esap amwöchü och mi mürina seni chokewe mi föri mine a pwüng.