Kölfel 73:3-11

³Pun üa lolowo ngeni ekewe chon lamalamtekia, lupwen üa küna än ekewe aramasangau wöümong.

⁴Esap wor ar metek, inisir a pöchökül o öümanau.

⁵Ir resap weires usun pwal ekoch aramas, resap riaföü usun pwal ekoch.

⁶Iei mine ra mwärini lamalamtekia fän üer usun chök epa mwärämwär, angangen mwäneson a pwölürela usun echö üf.

⁷Seni lon leluker mi pöchökül a towu ekiek mi ngau, rawangau esap wor aükükün a chök nom lon ar ekiek.

⁸Ra takirin ämängaua aramas o eäni kapasingau, ra eniwa aramas fän ar lamalamtekia pwe repwe ariaföüür.

⁹Ra eäni kapasingau usun Kot lon läng o eäni fos sikesik ngeni chon fanüfan.

¹⁰Iei mine nöür kewe aramas ra kul ngeniir o müttir lükü ar kewe kapas meinisin.

¹¹Iwe, ra apasa, “Kot esap sile. Ewe mi Unusen Tekia esap wor an silelap.”