Kölfel 55:19-23

¹⁹Kot ewe mi mot won an lenien motun king seni me lomlom epwe aüselingaei o akufuur, pun resap mochen siwili ar föför, resap pwal niuokusiti Kot.

²⁰Chienei we me lom a fiu ngeni chiechian o ataela an we pwon.

²¹An fos a mwotoutou seni pwötö, nge ekiekin maun a nom lon lelukan. An kewe kapas ra pwetete seni lö, nge ra ken usun chök kenin ekewe ketilas.

²²Kopwe monätä won ewe Samol mi Lapalap om weires, pwe i epwe tümwünuk. Esap fokun mwütätä pwe ewe chon pwüng epwe kuf.

²³Nge en, ai Kot, kopwe aturätiu lon ewe lenien sotup ekewe chon nimanauei aramas me ekewe chon atuputup mwen esamwo tori esopun manauer. Nge ngang üpwe anomu ai apilükülük womw.