Kölfel 45:7-17

⁷Ka efich pwüng, nge ka oput mi ngau. Iei mine Kot, om we Kot a filuketä, a fang ngonuk pwapwa lap seni an fang ngeni chienom kewe.

⁸Ufom kewe meinisin ra pwokus ren pwonnen lö seni ekewe irä mör, aloes me kasia. Chon ettiki pisekin ettik mi wor saitenir ra apwapwook me lon imwen king mi fout ngeni ngiin äläfant.

⁹Nöün ekewe king föpwül ra nom lein ekewe fefin mi nom lon imwom, nge ewe kiwiin mi ütä lepelifichum a fout ngeni kolt seni Ofaia.

¹⁰Nei föpwül, kopwe rongorong ai kapas o ekieki usur. Kopwe manlükala aramasom me chon leimwen semom,

¹¹mürin, ewe king epwe fokun sani liöchum. Kopwe tütiu me mwan, pun i om samol.

¹²Ekewe aramasen Tirus repwe uwato ar lifang ngonuk, ekewe aramas mi fokun pisekisek repwe kütta chenir me reöm.

¹³Nöün ewe king föpwül a unusen ling me lon rumwan, üfan kewe ra tür seni terech kolt.

¹⁴Ra emwenala i ren ewe king fän üfan mi sokopat önüan, ra pwal emwenala chienan kewe föpwül mi tapwela mürin.

¹⁵Ra feito o tolong lon imwen ewe king fän pwapwa o mweireir.

¹⁶Noum kewe mwän repwe akasiwili om kewe lewo lon wisen king. Ka awiseer pwe repwe nemenem won unusen fanüfan.

¹⁷Üpwe pwärala om iteföüla seni eu täppin aramas tori pwal eu täppin. Iei mine chon ekewe mwü repwe mwareituk tori feilfeilachök.