Kölfel 141:4-8

⁴Kopwe tümwünüei pwe üsap föri mine a ngau, pwe üsap eti ekewe aramasangau lon ar föföringau, üsap pwal etiir le mongö ener mi annö.

⁵Eman aramasöch epwe wichiei are apwüngüei fän kirikiröch, nge üsap mwüt ngeni ekewe aramasangau pwe repwe asamoluei. Pun lon ai iotek üa pälüeni ar kewe föför mi ngau fansoun meinisin.

⁶Lupwen ekewe samol repwe koturutiu seni ekewe achau, ekewe aramas repwe mefi pwe ai kewe kapas ra let.

⁷Usun eman a tuw pwül o atatakisi, iei usun chür repwe toropas mesen ewe lenien sotup.

⁸Nge ngang üa chök anomu ai apilükülük womw, en ai Samol mi Lapalap ai Kot. En ai lenien op. Kosap asechieilong lon mäla.