Kölfel 119:32-38

³²Üpwe fokun aleasochisi om kewe allük, pun ka alapala ai sile.

³³Ai Samol mi Lapalap, kopwe aiti ngeniei wewen om kewe allük, nge ngang üpwe aleasochisiir fansoun meinisin.

³⁴Kopwe fang ngeniei silelap, pwe ngang üpwe aleasochisi om kewe allük o apwönüretä ren unusen lelukei.

³⁵Kopwe emweniei pwe üpwe tongeni aleasochisi om kewe allük, pun ngang üa pwapwaäsiniir.

³⁶Kopwe akulu lelukei ngeni om kewe allük, nge sap ngeni mochenian win.

³⁷Kopwe akulu mesei seni mettoch mi lomotongau, nge kopwe amanauaei ren om kapas.

³⁸Kopwe apwönüetä om pwon ngeniei ngang noum chon angang, ewe pwon ka eäni ngeni chokewe mi niuokusituk.