Jon 5:1-6

¹Udu len sabe ano, Jises edek iu ili loken ili Jerusalem ta nyamon tinan ari tiri Juwis.

²Mirihik ta madasan tiri sipsip loboho Jerusalem doh badeh, gwa li ari udu aliy. Iri tahi beleheleh ma limeh na bek udu kabede gwa li nane doh. I boho kon tiri Hiburu, iri aloh Betesda.

³Lau solo-an labai amadin ado bahandra beleheleh udu kabede-e gwa li nane doh. Mada iri kaseu, kati iri ndra-in, ma ndruwi iri rayah badeh, ndramak.

⁵Ndramak ari ibo sik in loboho doh badeh, winiya jaha ma tonoh ndru la-uh (38).

⁶Jises eme anyolom iy amadin in andri, eme iy i tanan iy ndramak kodo-oh ibo sik luluwen labai. Jises eme ndremenya iy, “Ou aso-ok ou amwenen deh?”