John 5:1-6

¹Tomuren e biney e immoy ba madnom rok piyu Israel riy ni madnom ko Tempel, me yan Jesus nga Jerusalem.

²Ma bay u rom u lan yu Jerusalem u to’oben e Garog ko Saf bangi ran; ni bay lal yang i peyuw ni kan toy u marichlen nib liyeg, ni fithingan ko thin ni Hebrew e Bethsatha.

³Ma bo’or e girdi’ ni yad bm’ar ni kar molod nga but’ u tan e yungi peyuw nem — ni pi’in malmit, nge pi’in yad bmugutgut, nge pi’in ndariy gelngin yu yang u dowrad.

⁵Ma bay be’ nib mo’on ko gin’em ni guyey nge meruk e duw nap’an e m’ar rok.

⁶Me guy Jesus e re mo’on nem ni kan moleg nga but’ u rom, me nang nre mo’on nem e nga aram n’umngin nap’an e re liliy nem rok; ma aram me ga’ar Jesus ngak, “Mog, gab adag ni ngam gol ko re liliy rom nir?”