Jon 5:1-6

¹Eu hedocob Juda agena cuha fec deel gun oso cali hugia oodon Jisas uqa Jerusalem ono ten.

²Aria, Jerusalem meen gel alildocna jic cebec oso nijen, eu ijan Sipsip Jic Cebec. Euna isec wa fifiji bec gudoc nijina, eu Aram jena Betesda egina. Eu qeihna isec jo hamol 5-pela cehec tawen.

³Jo hamol euna dana caja hagca mati ono nijein. Eu age amaga galuc mecca, laleg mecca, dewenega me qee mecca nijein. Saen esuesu Tibudna ensel oso ni wa mulodon. Wa mulodocob oso cunug wooladi aquni wana toni wa jocob eu hag medoc on. Hag filfil aqen eu meaden. Eunu age cunug wana mulodoc saennu susumudi nijein.

⁵Ono dana oso bilen eu hag umei cabi gel 38 ihoc lec gaid hag nijoloi.

⁶Jisas uqa dana eu ninijen fimei uqa hag saen odi cecelacca nijina dumei sisildu madon, “Hina hag mehecnu gale henafo?” don.