John 5:1-6

¹I murina eni, Jesus te dato Jerusalem ta didira na vaukolu tabu na Jew.

²Ilokana na komu sule Jerusalem, lilighina na mataula ni peo tara vatua nia, “Na Mataula ni Sheep,” te ghaha na kolo, kolua nia ra lima na vaevale, tana leu ni Jew tara holoa nia Bethesda.

³Me subo na tinoni vahaghi tara koli lokani na vaevale, rana rorodo, rana labe ma rana rapobete.

⁵Sakai na tinoni tadira igaa te vahaghi tua ra tolu hangavulu alu na niulu.

⁶Tana bona Jesus te vaevanea te koli iga, me ghilala na tinoni keri te vahaghi daro ni bona tua, keri ge huatia, “?O liona na uto oli?”