John 5:1-6

¹Mina usi Jew vene yaku irakuna yokoi reyadi ma Iesu bi Jerusalem ri boyo.

²Jerusalem ri mamoe di ida vena atafuri bi koru moka yokoi ini maravata 5 nufa; Hebrew agori ini roka bi Bethesda.

³Minari bi gauka vene tau gade—ne taufa vene, yuka no vene ma dibo anua vene.

⁵Mironari bi amiye yokoi kaere bi lagani 38 gauka reyo.

⁶Iesu yaku mina amiye varegamo vegasa diba niyo ina bi ari doba tora makai varegamo. Ye nikaiteyo, “Ya ura reisa buni nigiya ba?”