John 5:1-6

¹Einda amboda Iesu engenembedo Jerusalem nati da mambusira ainda Jew embobo awa bondo da iji gido bondo ero.

²Edo Jerusalem nati ponda awa puga mi jiroroka ari ra edo be da ainda jawo awa wo sheep da be ra. Edo be demo da awa umo jiroroka ari Hebrew ge mi sedo era Bethesda. Edo umo awa jiroroka ari awa tendeba 5 awodo ra.

³Edo karu embobo jiwae be diti guba ari tei ingo ambari embobo edo embo pepeta ari sago egeregae de awa tendeba ainda paposigedo atima isera. Edo ungo ainda paposigedo simba atima isera umo awa wasiri arase ainda be awa iji dada asisi mi euri awa edo isira. Edo umo wasiri irirari embo amemi umo ainda wosadera awa sekago ewamei adera.

⁵Edo embo da awa gaeko 38 karu edo atima isira awa ainda pasido atisira.

⁶Edo Iesu embo awa pasido atiri gosisira edo embo awa gaeko tupo atae karu edo atima isira awasedo uso yei nganega isira, “Imo sekago ewamei adi dipapa esi ta?”