Jesaia 65:21-24

²¹Ma êsêac oc sêkwê andu sa ma sêŋgôŋ ma oc sêsê kôm wainŋa ma sêniŋ ŋanô.

²²Êsêac oc sêkwê andu sa ma lau teŋ sêŋgôŋ atom ma êsêac oc sêsê wain ma lau teŋ sêniŋ atom gebe ŋoc launêŋ bêc sêŋgôŋ nomŋa oc êtu taêsam êtôm kabôêŋ ŋabêc, ma ŋoc lau, taŋ kajaliŋ sa naŋ, oc têtu samuc nêŋ lemeŋ ŋakôm ŋanô.

²³Êsêac oc sênam koleŋ ŋaômageŋ atom ma sêka gôlôac lasê êtu sêôc gêŋwapacŋa atom. Gebe lau, taŋ Apômtau gêjam mec naŋ, nêŋ wakuc êsêac. Ma êsêacnêŋ gôlôac oc sêmoa sêwiŋ êsêac.

²⁴Êsêac aweŋ ênac aê atomgeŋ ma aê jajô êsêacnêŋ biŋ. Êsêac gocgo sêsôm biŋ sêmoa ma aê jakêŋ taŋoc êsêac.