Isaiah 65:21-24

²¹Elos fah musai lohm ac muta loac; elos ac yukwi ima in grape ac kang fahko kac.

²²Elos ac tia musai na kutepacna mwet muta loac. Elos ac tia yukwi ima in grape na kutepacna mwet nim wain kac. Tuh mwet luk fah moul paht, oana lusen moul lun sak uh. Elos ac arulana engankin fokin orekma lalos.

²³Orekma elos oru ac fah wo ouiya, ac tulik natulos fah tia sun ongoiya. Nga fah akinsewowoyalos ac fwilin tulik natulos nwe tok.

²⁴Meet liki safla pre lalos nu sik, nga ac topuk mwe siyuk lalos.