ISAIA 65:21-24

²¹Ruma bae haginidia bena bae noholai; vine imeadia bae hado, bena anidia bae ani.

²²Dia idia ese bae haginidia, bena idauna ta ese baine noholai, bona dia idia bae hadohado, bena idauna ta ese baine anianilai; badina be au ena mauri dinadia heḡereḡeredia, egu bese taudia edia mauri dinadia unu bae hoho toma; bona egu abi-hidi taudia ese imadia ḡaukaradia bae moalelai daudau.

²³Basie hekwarahi kava, bona natudia basie havaradia, dika ena; badina be idia na Iehova ena lalokau taudia natudia, bona idia natudia danu idia ida.

²⁴Do basie boiboi ai, lau baina haere; bona dounu e herevamu ai, lau baina kamonai.