Jeremiah 35

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

¹Judah lengpa Josiah chapa Jehoiakim phatlaiyin, Pakaiyin Jeremiah henga thu hitin aseiye.

²Rechab insung mite henga chenlang, amaho chu Pakai houin’a hungdiuvin gakouvin. Chujoule amaho chu indan sungnung pen khat a puilut inlang, chule adondiuvin lengpitwi hompeh in, ati.

³Hijeh chun keijong Habazzaniah tupa, Jeremiah chapa Jaazaniah leh asopite chule achate jouse toh kimuto dingin kachetai.

⁴Chuin keiman amaho chu houin sunga kahinpuiyin, Pathen mipa Igdalia chapa Horan themgaopa dinga kigonpeh indan sunga chun kapuiluttai. Hiche indan hi, houin vaibol ho umna indan komcha ahin, houin kotkhahbul ngahpa Shallumchapa Maaseiah indan chungtah a ahi.

⁵Hichun keiman amaho dinginlengpitwi dimset hai-len khat lehadon nading khon ho kasemtuppeh in, ajeh uva, “Lengpitwi hi donuvin” kati.

⁶Ahinlah amahon, “Kanompouve, keihon lengpitwi donpou vinge. Ajeh chu kapu kapau Rechabchapa Jehonadab chun, thupeheinaneiyun, nanghonahiuvinchule nachilhahte ahiuvin, aitih’alengpitwi nadonlou hel diu ahi.

⁷Chule nanghon chenna inn jongnakisah loudiu, muchi natuloudiu, lengpilei jong nabollou diu, amavang ponbuh a nachen jingdiu ahi. Hiche thupeh hi najui diu, nahinkho lhum keiyuva nakhopemnau gamsung a nom’a nachendiu ahi, ati.

⁸Hiche jeh a chu, keihon amathupeh hi imalam jousea kajuijingu ahi. Hitia chu keiho kahiuvin, kajiteu ahiuvin chule kachateuahiuvin, lengpitwi hi kadonlou helu ahibouve.

⁹Vetan, keihon chenna inn kakisahpouvin, lengpilei jong kaneipouvinchule muchi jong katupouve.

¹⁰Keiho ponbuh a kacheng uvin, kapu kapau Jehonadab thupeh hohikanitsoh keiyun ahi.

¹¹Ahuvangin Babylon lengpa Nebuchadnezzar in gamsung dounaahinbol phat in, Babylon leh Syriasepaite kakichat jeh un, Jerusalemkahin jontauve, atiuvin ahi.

¹²Chuin Pakai thusei chu Jeremiahheng ahung lhung e.

¹³Hatchungnung Pakai, Israel Pathen in hitin aseiye; ‘Nanghonibol a kahilna nadon dauva, chulekathusei ho ngaisah louva nakoiyuham?’

¹⁴Veuvin, Rechab miten apuapu Jehonadab thupeh chu anitjing uvin, lengpitwi donlouhel in, tunigeiyin aum uve. Keiman nanghohenga avel vel a thu kasei vangin, nanghon kathusei nangaipouve.

¹⁵Keiman naheng uva kalhachathemgaoho avel vel in kahinsol in, Najah uva, nathilse bol’u dalhauvinhung kile kit unlang, apha chu boluvin, tia kaseisah ahi. Chule Pathendang chibai boh hih hel un, chutilekeiman nangho le napu napteukapehsa gamsunga lungmong tah’anachendiu ahi, katin. Ahivanginnanghon kathusei nangai hih hel un, chule nit dingin jong nagelpouve.

¹⁶Rechabchapa Jehonadabchapaten, apu pau thupeh chuphatahinajuiyun; Nanghonvang keima thusei ngai nahsah innaneipouve.

¹⁷Hijehchun Hatchungnung Pakai Israsel Pathen in hitin aseiye. Nanghon kathupeh nangaidauva, kakouna najah tahlou jeh un, Judahleh Jerusalem chunga manthahnakalhunsah ding ahitai.

¹⁸Hichun Jeremiah in Rechab mite heng aseitai. Hatchungnung Pakai, Israel Pathen in hitin aseiye: Nanghon napu napau Jehonadabthupeh phatah in najuiyun, chule athusei ho nanitsoh keiyuvin ahi.

¹⁹Hijeh a chu, Hatchungnung Pakai, Israel Pathen in hitin aseiye. “Rechab chapa Jehonadab in keima jending son le pah aneijing ding ahi,” ati.