Idikel 34

2

17

33

34

36

37

¹¹Bada wailewapanina niga mainana i giuna gado, “Tagu taunana kaka egu sipu yà tavuḡedi bi yà labe kauwedi.

¹²Tagu yà voiyena mai tauwaiḡamoḡamo ena sipu lailaidabalalidi bi ya waiḡemoti munaḡedi. Mba laḡannina yada wai boimatuwinemo, egu lava a dabadabalalana dobu ḡesaudiḡa a miyamiya ḡemoḡemotana ba yài ḡemoti munaḡedi.

¹⁵“Tagu Bada wailewapanigu egu sipu yài kani bagibagidi bi yà voiyedi te sa kena bi sai yawasi.

¹⁶Tagu sipu a paipailana yà tavuḡedi, gwegwegwedi ba yà natome munaḡedi, kelokelodi ba kelodi yà bunemidi bi kota sidesidedi ba yài yawasanidi. Bamo taudidi pwatepwatedi bi ḡaiḡailisidi ba yà laipekidi bi didimana taunaḡa ya kena banina tagu tauwaiḡamoḡamo didimanigu.

¹⁷“Tagu Bada wailewapanigu yà giugiuwemi te egu ḡamoḡamo yà kita vitavitalemi kaka yà dailimi maibena sipu bi gouti ya daidailidina, kota mainana visu bi gebo yà dailidi.”