GWAY GI IDAWUU’D 94:19-23

¹⁹Ki mo ma teṯe/ ma dum pem tana ris mo tani momalas pini uni ’kunykina ḵashiram pem bwa mo be.

²⁰Mina itap̱a kun ta thus ki thus mish gwo gam me’d nyaḵki /e mo, uni kun thosonki gwoŋḵan kun bahu kun tanuwa pibi ka pibi mo?

²¹Uni ’tuntulki isi monṯal ’de/ ap̱o/ mondiki/e gi wathiŋ ḵar/e mo, dhali waḵ a’di jin di’d ka p̱o/ mmokar a’di mmowu mo.

²²Hili Tap̱a a’di warki’d ka cur pem jin ṯenu gwo mo, dhali Arumgimis pem ta wosh pem jin hurga/ jwa mo.

²³A’di midi doḵki uni to i is mo gom miiny ’coḵgam buni mo dhali dhi’th uni sho’k ka pupush ’peni miim buni kun tana uni thus ki thus mo. Tap̱a Arumgimis bana midi dhi’th uni sho’k ka je’desh mo.