Godigo Nogi Ugwaba Sabo Tęąbi Po Wabo Buku Dabe 94:19-23

¹⁹Tama eno homu sęgę yali sogo tama eno homu nai hauwa dali yai, nago eno homu dwagi yai eyu, tama nagame elama bidai, tama eno homu dwagi yai emainogo yai.

²⁰Te bomo yai po mubo bidi dabe augwaligo te we bidibolo augwaligo dwai sę emainao wai. Nago te tobage dwai sę ebo tobolu bidi dabe dali abagi homu ebo menio.

²¹Augwaligo dwagi yai sę ebo bidi dwai sęgo aga dolainogo sisinama, po mibo dao, tama augwaligo dwai sę isąwai bidi dabe dali po tų ebo dao, augwali elainogo tiwai.

²²Tiali goli, Genuai Bidi agai bomo mu elama, ena tau sai. Ena agaba pelama, eno God agai ena bugagia tonalubo dao.

²³Augwaligo dwai kolesaga hauwa mu yai, tama agai augwaligo dwai sę yali wei begelaibao. Genuai Bidi dago God, megi agai augwali tigidali dolaibao.