Ola Saam 94:19-23

¹⁹Wen mi hatjamp en wori, yu lidimap mi en meigim mi gudbinji.

²⁰Yu nomo laigim ola nogudbala jadj hu oldei gibit adtaim langa pipul. Dei nomo jadjim pipul raitwei garram ol yu lowa.

²¹Dei meigim plen blanga ardimbat ola gudbala pipul, en kilimbat ded ola pipul hu nomo bin dum enijing rong.

²²Bat YAWEI maindimbat mi, jis laiga seifwan haus. Main God lukaftumbat mi jis laik wen mi blandim miselp langa bigwan ston.

²³Im garra panishim olabat blanga ola brabli nogudbala ting deibin dumbat en im garra binijimap olabat brabliwei. YAWEI det trubala God blanga wi garra binijimap olabat.