GWAY GI IDAWUU’D 90:3-13

³/E ki ṯu’k wathi/ mmowar ki bu’da’cesh ka nyaŋ’ko’d doḵ/e mo dhali /e ki o gwo mo ki: Doḵku/ ka nyaŋ’ko’d mo, ayy uc̱i gi ’kwaniny’cesh mo.

⁴Haali/ yila alip̱ e jis/em pini mo tani ta toŋ kamuwa? Hili a’di wana e katili/ jin peki’d mo, walla a’di wana e ki mon’thiny jin timkunu mo mo.

⁵/E ki dhi’th ’kwani sho’k mo dhali uni wakina e ki jan jin shu’bu/ mo, dhali wa e ka sho jin lu/kin mon’thamo/ mo.

⁶E mon’thamo/ me’d jin lu/a a’di ki ṯup̱ ṯup̱ mo dhali a’di lu/u mo dhali mom’pimpili/ mo tani a’di uski’d ki jog mo dhali ḵu’th mo.

⁷Haali/ aman kup̱kunu ki ’ci’d’da/ ka nyor pini mo. Ka nyor pini mo tani aman kumkunu ’twa/a ’cesh ki kum jin ’boro’da?

⁸/E ki kar tom bam jin ’coḵa’coḵ ibwambori /e mo. Miinthus bam kun miikina am ka ḵwal is mo dhukina /e e moŋkush gi bwam/em pini mo.

⁹Haala risa teem bami ’baar mo pekin mo e bwaŋ’kwariny ma nyor pini mo. Yil bam p̱u’dkin itagi ’pemen mo me’da shure/ jin daḵ ’kup̱ mo.

¹⁰Yil gi moŋ’koki/em bam a’di ta iss ’kwanimpa kwara i’ce’dka ’kume’d ap̱o/ mo, walla isi kani waḵki/ ’kup̱ gwo gom mom’bi’th is itagi iss ’kwanimpa doŋon mo tani hili naskina/ sur buni a’di di’di mmo’kosha ’kosh ki mii mo dhali monṯo’c bwa mo, dhali ki ’dishe/ mo tani uni pekin mo dhali aman p̱ekina mo.

¹¹Kaja si’da/ imidi hil isi gwo i e goma nyor pini mo, dhali ka nyor pini isi ki gwo jin minu ḵo/ /e mo?

¹²Wakan ṯori aman gwo mo mmodeŋa teem bam e mo ki aman mina gama dum bam gi moyuḵ mo.

¹³Doḵu/ mo, ayy Tap̱a! Ki mo jin wakata imina /e idi mo? Hili ahil ki e ma ’thime/ gom c̱iŋkinam pini mo.