Sam 90:3-13

³U tong i ri luvuttadi axap kusu dinaba vee kangka ngan diga ravasu ren. U baba gili amlong di xusu dina repukus ti laxakup.

⁴Nenu u ven legesa abin sangaun kobot maares di lok ngan mun legesa aleng. Di lok ngan mun laaleng itinongo, ira onon pam, i lok ngan mun legesa xonatat aleng at laxanimin.

⁵Up kip pes kaka nema ngan ladanut. Maxo rooro abao bok, ma ngan lapnobo i sonao. Ma lok ngan levenang i suu valas maxantamak suubu,

⁶di suu la di repalas asu lamaraanu, la melemu dira molos la dira met manga ukantinao.

⁷U sesele utut nema mi mo lebelemamao ram. Ma emilik sak mumu lebelemamao ram.

⁸U saali leveloklok kakapmek atnema ro melamgo ram, mo leveloklox alipe atnema ik lok go ap mo loxot nenu u epovo ri reven kaka di.

⁹La lorooro atnema, nenu u tara korop atmur i mi mo lebelemamao ram. La i sonao ngan lavapaase siksikma.

¹⁰Lorooro atnema it pot mun at lavanuti sangaun maares la do ma lolos, maba se ka lavanuan sangaun maares. Ketla ana levenmaares move im taba nema mi leven ekarakat la lainbulu. La soso mun lorooro atnema i vaxap kot, la mara onon tino nga.

¹¹Kopmen tara go gata suma vam lolos silok at lebelemamao ram. Kopmen bok teta iklen ka ba lanmarat silok, mo lebelemamao silok taram i epovo ri lox asuusu i xeneng atnema.

¹²Una anasa nema do lorooro atnema it mut mun kusu manaba ruuna ka lodoxoma avukat.

¹³O Leeme Silok, lebelemamao ram naba xap ba lingisa? Una belen tuntun mu nema, limixin me Israel, atla nema limixin tinotno ram!