Text copied!
CopyCompare
Holi Baibul - Ola Saam - Ola Saam 90

Ola Saam 90:3-13

Help us?
Click on verse(s) to share them!
3Wen yu tok, pipul dai en olabat bodi garra gobek langa graun.
4Det 1,000 yiya im laik wanbala dei langa yu. Olabat jis laik yestadei weya im gon olredi, en jis laik lilbit taim naitaim.
5Yu deigidawei melabat jis laik fladwoda. Melabat jidan nomo longtaim, laik drim wen im binij. Melabat jidan laiga purdiwan flawa wen im kamat moningtaim,
6en im binij sangodantaim.
7Wen yu gitwail, yu binijimap melabat. Melabat brabli bradin langa yu wen yu gitwail nomo lilbit.
8Yu pudum ola nogudbalawei blanga melabat lida langa yu, en ola nogudbala ting weya melabat bin dum sigridwei yu gin luk.
9Jis laik wen sambodi opinim en jadimap ai kwikbala, en lagijat du melabat laif binij kwikbala wen yu gitwail.
10Melabat laif maitbi jidan oni 70 yiya o maitbi 80 yiya if wi jidan strongbala, bat stil melabat abum loda trabul en soriwan filing langa ol detlot yiya. Detlot yiya binij kwikbala en wi binijap en wi gon.
11Nobodi sabi det brabliwan pawa wen yu gitwail langa det nogudbalawei blanga pipul. Blanga tharran na melabat garra bradin en rispek yu olataim.
12Yu lenim melabat hau det laif blanga melabat im shotwan, wulijim melabat garra jinggabat brabli gudwei.
13Haulong mowa yu garra jidan wail lagijat? YAWEI, yu sori langa yu wekinmen olabat.

Read Ola Saam 90Ola Saam 90
Compare Ola Saam 90:3-13Ola Saam 90:3-13