Erubasa 29:13-18

¹³Is pubri wey is ebpendaagdaag kandin neked-iiring dà su imbeǥey zà te Nengazen is mata zan.

¹⁴Emun metazeng is kukuman te sevaha he hadì diyà te menge pubri, epedayun is kedumala zin wey egkelig-enan heini.

¹⁵Is kebmensuwa te vatà pinaaǥi te kedlegkuta kandin, ebpekepenurù kandin ne egkehimu he uluwanen, iyan, emun pinesagdan is batà, egkepeel-elezan din is iney zin.

¹⁶Emun lalung is ebpemendumala, ne ed-uswag daan is ked-ulaula te salà. Piru heini sikandan egkezeetan, ne egkemetmetahan heini te menge metazeng.

¹⁷Mensuwa nu is anak nu, ne ebpekeveǥey sikandin kenikew te kelinew te ǥehinawa wey kelipey.

¹⁸Emun wazà lalag te Megbevayà he ebpenurù te sevaha he inged, wazà kayi kegkelinew. Utew zeyzey is menge etew he edtuman te menge ibpenurù te Megbevayà.