PROVERBIORUM 29:13-18

¹³Pauper et creditor obviaverunt sibi: utriusque illuminator est Dominus.

¹⁴Rex qui judicat in veritate pauperes, thronus ejus in æternum firmabitur.

¹⁵Virga atque correptio tribuit sapientiam; puer autem qui dimittitur voluntati suæ confundit matrem suam.

¹⁶In multiplicatione impiorum multiplicabuntur scelera, et justi ruinas eorum videbunt.

¹⁷Erudi filium tuum, et refrigerabit te, et dabit delicias animæ tuæ.

¹⁸Cum prophetia defecerit, dissipabitur populus; qui vero custodit legem beatus est.