Epeso 5:6-14

⁶La sou mamu sou itema vile uꞌoxonu lolongenge no anu vaivaikala ane tematemanu uasi la ngamulinu. Xo laꞌia noxou Lataua uxolu noxiꞌa aneꞌi ane imulinu ꞌiliꞌilixo ane ne xe ilolomu uasi.

⁷Aloxo ne la sou mamu sou ngingi ngongiꞌa ngaxolu ngapita.

⁸Xo tei la ngingi ngexolu no isivoxo, ia vaimomo ꞌo Tila muꞌoxongengi la ngingi ngexolu no lamana. La sou ngamuamuaꞌi loxo lamana ta ꞌolu.

⁹Xo ngingi lamana ta ꞌolu la sou ꞌiliꞌilixo lailaixe mo ꞌiliꞌilixo mulapu xe ꞌilixo sou vaikala manina uxolu noxinge, la anu umaxaꞌu neneꞌaxu lamana anesi.

¹⁰Mo ngingi ngatovo ngatilovosou ꞌiliꞌilixo maꞌia manina ane ngingi ngaꞌoxonu la Tila uꞌosa no anu.

¹¹Ngaxolu vaꞌaxu no anu ꞌiliꞌilixo masumasua sou isivoxo ne xo anu uxalilixu neneꞌaxu vile laixe uasi. Ia nganoꞌu ꞌiliꞌilixo masumasua ne uatu mo ngamulaxu lamana.

¹²Xo tamaela sou talemolu ꞌiliꞌilixo maꞌia ane miꞌoxoꞌoxonu mutalume ne.

¹³Ia lamana uxalilixu mii maꞌia ane mutalume ne uxali lamana.

¹⁴Xo no anu lamanasi la sou mimii latala e mutalume ne muxali lamana. La sou umomomo sou vaikala aloxo ꞌo. “Nini ꞌenaꞌei neai, ne natulu. Natulu no anu soli. Mo Kalisito lamanaxu uieisine.”