EPHESIANS 5:6-14

⁶Kootou see tiiake ni tama ki oo atu no hakarereesia kootou ki naa taratara vvare laatou. Teenei ko naa mee nei teelaa ma ki hakappuu ai naa loto TeAtua ki naa tama see hakannoo kiaa Ia.

⁷Teenaa kootou ki seai iloo ki hakapaa atu ki naa tama peenaa.

⁸Naa tino kootou ni nnoho i te poouri imua, tevana iaa i kootou ku mee ma ko te kanohenua TeAriki raa, kootou ku nnoho iloto te maasina. Teenaa kootou ki nnoho pee ko naa tama teelaa ni ttipu ake iloto te maasina.

⁹I te aa i te maasina naa e ssura te kau tiputtipu e taukalleka, e ttonu, aa e hakamaaoni.

¹⁰Kootou mee ki illoa kootou ma se aa e hiahia ai TeAriki.

¹¹Kootou see anaana atu ki naa vana vvare naa tama naa e hai, teenaa ni mee te poouri. Kootou iaa ki hakassaaina naa mee naa ki te maarama.

¹²Te mee raa e hakanapa iloo maa taatou e tarataraina taatou naa vana laatou e mee mmuni.

¹³Aa te saaita naa mee hakkaatoa raa e hakassaaina ki te maarama raa, teenaa te tiputipu maaoni naa mee naa ma ki takkoto mallama mai.

¹⁴I te aa, naa mee teelaa e hakassaaina raa ma ki takkoto mallama mai. Teelaa e taratara ai te Laupepa Tapu raa peelaa, “Maahuru, te tama e matamoemoe nei, no masike mai i te mate, ki too te maasina Christ iaa koe!”