Epesas 5:6-14

⁶Ye natawa onan gaiyawa gumbe den aya yempe. Naunababat usitainawa dividivi mame eme, meoya God danapiri meuma koka egowo aikpe.

⁷Meoya ye mu gumbe evenan den aya.

⁸Watavit ye sisip, megara gare mame di ye eyawa Ayapan gumbe. Ye eyawa usitainawa mina gigimiya.

⁹—Eyawa natawa me anoano oraiwa ge oraiminavit ge natawa undag.—

¹⁰Didiwag yauya divi gumbe Ayapan degadega ape.

¹¹Natawa onan sisip nauwawa gumbe evenan den aya, megara me taibe ape.

¹²Kuiyawa mu guwave emewa me ubmameba oya den wata.

¹³Megara dividivi undag taibe apewa eyawa gumbe esipe yaupe.

¹⁴Dividivi undag ape esipewa me eyawa. Meoya mame wane. “Kubvinivi abnawa, kub yankweg wanyoiya, Boayawa igiyawa gumbo wan yoiya. Keriso gungap esipe.”