Efeso 5:6-14

⁶Etetenitinoise opi ge sara ninawa me oko waise. Waya ago ine amira Anutura nana ena ina ge dai emara nana kei awamunoya awa.

⁷Are nikare nukare oko soremamunowa.

⁸Nikare gita me gita mumera noisowa. Ata zeme meni awa Tuara nana kei awero zasimaira nowewa awa. Are ema zasimaira nowera ago ine noiwo.

⁹Nane ago tona, nera kota, zasimaira nowera ami me ego ine tapinowera: tani ewananare nuai, ata etutiro nuai, amire ge me sai.

¹⁰Nikare nena zo wamu wero giro Tua meni ninai ewanana wamunoita awa gita giro baitiro amire wewo.

¹¹Eni meni mumera nena puti awa wara oko soremawe. Tepo awa. Nikare amira susu waya kerenitinoise azu seu.

¹²Tani waya bezero inowera amira ge uge wamunonakai, awa me namunonakai.

¹³Nena ago ine awa kerenanakai zasimai meni gayai susu nuso kei awamunoya. Nera kota, nena damu-damuke kei awamunoya ami zasimai tamamunoya.

¹⁴Are amire ego sai itia awa, Gitawa inowesa ami eri. Ota betaira ena eriro dope. Ago wasa Kristora zasimai meni niso nana zasimamunoya awa.