Epesus 5:6-14

⁶Ngaka ella miau masi ta agau e bai ta goanga miau ka pangamologa ra kanna ra goanga. Kurumea bainga matana nginngina mana nae Nutu iukiangana ke la punga pai nga ragau reke longosasa te i.

⁷Minmina na miau sana ngaka kuma ka bainga nginngina ra ri ke kumkuma ki.

⁸Iau ka role minmina kurumea, pala na miau kaka momo nga osuguna ava sonrau na kaka momo nga olamana kurumea pagiungamiaungana kala nge Avolau. Minmina na ngaka tatao ma miau ra goe rae olamana.

⁹(Iau ka role minmina kurumea, ragau reke tatao nga olamana keke kumkuma ka bainga reke pepe, ba bainga reke tupu, ba bainga onra kaomannmannangana ki.)

¹⁰Ba ngaka amva ta kalingpa ka bainga onrae Avolau lonasereng ki.

¹¹Ba miau sana ngaka kumkuma ka bainga re nga osuguna re sane ke kuma ka oru ngeke pepe. Sana ngaka kumkuma ka bainga nginngina kala nga ragau reke kumkuma ki. Ke sa. Miau ngaka papote bainga nginngina nga karakarangana ta pangakosining roma, ka onreke sosoali.

¹²Iau ka role minmina kurumea, iau ka balengleng iau ta pangamologa ta oru ra ragau nginngina ke kumkumagome ki.

¹³Ava nga ina olamana nge toakale oru, na ollaeala nge lele nga karakarangana.

¹⁴Iau ka role minmina kurumea, olamana ke pulia orume kinung nga karakarangana. Minmina na keke paꞌe pangamologa pala ore role roma: “One o kenrarau, ngo lala kone, na ngo sigipaga nga mateng, bae Karais ka la lamanangana te one.”