6Ña cu̱hva ndo tsa jandavi ñaha nyɨvɨ tsi ndo tsihin tuhun tsa nduve yahvi nyaá tsa caahán ñi tyin tsa cuenda tandɨhɨ tsa ña vaha can cua tatsi tuñi Nyoo tsi nyɨvɨ tsa ña tyaá yahvi tsi ra.
7Yacan cuenda ña cu̱tahan ndo tsihin ñi.
8Nyooho tsicoo̱ ndo nu naa quɨvɨ can. Tan vityin ña taahán ca tsi coo ndo nu naa tyin Jutu Mañi yo tsa tava̱ ra tsi ndo nu nditsin. Yacan cuenda taahán tsi javaha ndo tumaa cuñí maa Nyoo.
9Tyin Nyoo jandunditsi̱n ra añima yo tan janduvaha̱ ra añima yo, yacan cuenda ja̱vaha ndo tsa vaha tan ca̱han ndo maa ñi maa tsa nditsa.
10Ja̱ñiñi ndo cutuhva ndo cuhva taahán iñi Jutu Mañi yo.
11Ña ja̱vaha ndo cuhva javahá nyɨvɨ iyó nu naa. Tyin nduve náa tsa vaha ñihí ñi tsihin can. Vaha ca ja̱coto ndo tsi ñi tyin ña vaha tsa javahá ñi.
12Tyin cahán nuu yo cahan yo tsa javahá xeehe ñi.
13Maa tyin quɨvɨ quita tsa yɨhɨ́ xeehe nu nditsin, tacan tan catsi xaan cua nyehe yo. Tyin tsa nditsin Nyoo cua tava tsi tandɨhɨ tsa yɨhɨ́ xeehe.
14Yacan cuenda iyó nu catyí tsi: Ndo̱to yooho tsa quixí un, ndu̱vita mahñu nu yucú ndɨyɨ. Tan ra Cristo cua jandunditsin ra ñuhu̱ nu cuahán un, catyí tsi.
Efesios 5
Efesios 5:6-14