Epesus 5:6-14

⁶A naro nga ri rata a rongova na Vure i rike ne huriki ri longotaro ia. Nahea tara viri ge tami mua na ngava tavulavula.

⁷I mavonga, naha ni laho manga e huriki ri rata a naro hale nga.

⁸I muholi, hosi mua a bakovi na uvo manga ria. Pali ngane mu rihi e Bakovi Dagi, mua a nipara. Mu laho manga e huriki a bakovi na nipara.

⁹A kanena nipara, a naro kamumu, a naro malamala, a nita muholi.

¹⁰Mu toni ni matakilaka vona a ra naro i vivi vona e Bakovi Dagi.

¹¹Naha ni rata a maka naro hale e huriki a bakovi na uvo ri rata. Mu tahate e huriki ri rata. A naro nga ri uka lehone ria.

¹²A maki ri rata kapiloho, iau bara taki tala, bara si maruhu.

¹³Pali na tahuna a nipara i parai a maki tara, a maki iea i bele kavakava,

¹⁴a vuhuna a nipara i rata a maki lobo i bele kavakava. Ni here hosi i maea, “Ioe a viri o mahita, o hadongo o pesi rike mule na matenga, lakea e Kristo bara i parai ioe.”