EFESIOS 5:6-14

⁶Dittoaxinha ra para sinttayaha ra icanxin chojni conixin palabra que ẍonhi ẍé ixin jamé ttixin castigoe Dios anto soji ngain tti chojni que ditticaonha tti ttetonha Dios.

⁷Ni tatoha ra cain chojni que nchehe jamé.

⁸Are saho jaha ra vintte ra inchin ngain tti naxin xehe, pero jai ote ra inchin ngain joadingasán ixin ditticaon ra Jesucristo co te ra inchin nacoa chojni conixin jehe. Mexinxin cain tiempo nchehe ra inchin nchehe chojni que te ngain joadingasán,

⁹ixin joadingasán mé tti ttjenguijna na para nttoho na jian ngain chojni, co para nichja na tti ndoa, co para nttoho na inchin jiquininxin ngain vidá na.

¹⁰Tangui ra nchehe ra jeho tti rinao Jesucristo.

¹¹Ncheha ra cosa que ẍonhi ẍé que nchehe tti chojni que rridintte inchin ngain tti naxin xehe. Sino que nchenohe ra chojni mé que ixin tti jehe na tenchehe na, mé jianha.

¹²Co hasta soaxin rronichja ni tti jehe na nchehe na jimao.

¹³Pero are cain mé rroẍago ngain joadingasán, cainxin tsononxin, ixin joadingasán sinchenonxin cainxin.

¹⁴Mexinxin ojitaxin: Xingamaha, jaha que tarric̈hin, dingattjenxin de ngayehe nindadiguenhe, co Jesucristo sinttangasanha jaha.